TATLO ka bulan nga nagatambay sa internet, naga-basa sang libro, naga-tuon sa online classes.
DUWA ka kompanya ang ginpasahan ko sang resume, nag-exam, nag-interview, naga-asa.
ISA lang man ang ginapangayo ko.
Hatagi niyo ko obra.
Joke lang.
Kay man sa tuod-tuod, naga duwa-duwa na ko kung i-pursue ko man gihapon ang postgrad degree sa marine science. Amo man lang na gani ang ginakaptan ko samtang gapangabudlay sa nursing. Damo sang adlaw samtang ga duty sa ward nga gusto ko na lang gid ipahabyog tanan nga ginabitbit ko, maglumpiga sa hallway kag magwangal. Gin pep talk pa ko gani sang prof ko isa ka adlaw.
"Nga-a nga kada basa ko sang journal entry mo, daw exhausted lang makita ko?" Pamangkot ni Ma'am. *siyempre in tagalog*
"Kay sin-o gusto ang nursing haw?"
Siyempre lang gid masabat ko tuod. Mabinutig pa ko na nga kapoy na gid ko. "Kanday tatay, Ma'am."
"Ano gid bala gusto mo?" follow up question.
"Marine bio gid Ma'am first choice ko tani. Galing wala da kuno kwarta."
Nagpadayon ang istoryahanay asta nga ginhambalan ko ni Ma'am nga, "Tapusa lang ni. Pero kun maka-graduate ka kag magsulod ka pa sa hospital, imo na na desisyon as an adult. Indi mo na mabasol pa parents mo."
Maayo man kay naka-graduate ko. Para lang sa diploma kag sa sablay, gamayan ko na isablay kabuhi ko. Seryoso.
Nagpuli na ko dayon, kay didto ko ma-review para sa board exam.
Nami didto, buot man laban mga classmates ko, sagad man laban nga mga gatudlo.
Sa bugay sang Gino-o, taas nakuha ko nga board rating. Lipay kami eh.
Pagkatapos sang tanan nga congratulations, kag pasalamat balik naman gihapon sa umpisa.
Ano na sunod ko nga ubrahon?
Indi ko puwede kahibi kay daw nahibi ko naman tanan.
Indi man gid ko kakadlaw kay ang kaugalingon ko na man lang ang kadlawan ko.
Indi man ko pwede kauntat na lang, makontento sa kabuhi nga puro na lang trabaho.
DUWA ka kompanya ang ginpasahan ko sang resume, nag-exam, nag-interview, naga-asa.
ISA lang man ang ginapangayo ko.
Hatagi niyo ko obra.
Joke lang.
Kay man sa tuod-tuod, naga duwa-duwa na ko kung i-pursue ko man gihapon ang postgrad degree sa marine science. Amo man lang na gani ang ginakaptan ko samtang gapangabudlay sa nursing. Damo sang adlaw samtang ga duty sa ward nga gusto ko na lang gid ipahabyog tanan nga ginabitbit ko, maglumpiga sa hallway kag magwangal. Gin pep talk pa ko gani sang prof ko isa ka adlaw.
"Nga-a nga kada basa ko sang journal entry mo, daw exhausted lang makita ko?" Pamangkot ni Ma'am. *siyempre in tagalog*
"Kay sin-o gusto ang nursing haw?"
Siyempre lang gid masabat ko tuod. Mabinutig pa ko na nga kapoy na gid ko. "Kanday tatay, Ma'am."
"Ano gid bala gusto mo?" follow up question.
"Marine bio gid Ma'am first choice ko tani. Galing wala da kuno kwarta."
Nagpadayon ang istoryahanay asta nga ginhambalan ko ni Ma'am nga, "Tapusa lang ni. Pero kun maka-graduate ka kag magsulod ka pa sa hospital, imo na na desisyon as an adult. Indi mo na mabasol pa parents mo."
Maayo man kay naka-graduate ko. Para lang sa diploma kag sa sablay, gamayan ko na isablay kabuhi ko. Seryoso.
Nagpuli na ko dayon, kay didto ko ma-review para sa board exam.
Nami didto, buot man laban mga classmates ko, sagad man laban nga mga gatudlo.
Sa bugay sang Gino-o, taas nakuha ko nga board rating. Lipay kami eh.
Pagkatapos sang tanan nga congratulations, kag pasalamat balik naman gihapon sa umpisa.
Ano na sunod ko nga ubrahon?
Indi ko puwede kahibi kay daw nahibi ko naman tanan.
Indi man gid ko kakadlaw kay ang kaugalingon ko na man lang ang kadlawan ko.
Indi man ko pwede kauntat na lang, makontento sa kabuhi nga puro na lang trabaho.
Isa na lang ang nabilin: Ang mag-padayon.
Para kay C, ang bata nga nakilala ko sa Cancer Institute halos apat na katuig ang nagligad.
Dumduman mo to? Indi mo gusto nga palapitan ka sang mga naka-bayo sang puti kay nahadlok ka masakitan? Pero ginsaligan mo si Manang Rophy nga magpalapit kag makipag-hampang sa imo, nga maghatag sang imo bulong kag mag-upod sa imo pangita kay Nemo? Diin ka na ayhan subong man? Bal-an mo ayhan nga may Finding Dory na nga pelikula?
Para kay A, ang bata sa Burn Unit nga nakaya man gihapon mag-kadlaw sa pihak sang kahapdi sang iya nga nasunog nga panit. Una ko pa lang nga kita sa imo, ka cutie patootie ka gid. Sunod ko na lang nabal-an nga nasunog gali ang inyo balay, nga kun wala ka masapwan sang tupad-balay niyo sa kuna nga ginakup-an sang nagakalayo nga tela indi na gid ta tani magkita-ay?
Dumduman mo to? Kada palapit ko sa imo gawangal ka dayon, pakungkong ka dayon kay Mama mo. Siyempre nangayo ko bulig kay Mr. Panda kag sa mga nagsunod nga adlaw, gakanta na ta Old McDonald Had a Farm. Ay, kami lang gali ni Panda gakanta, gatulok ka lang kag gakadlaw.
Indi niyo na gid ni madumduman. Mga bata pa kamo. Pero nadumduman ko gid kamo. Bangod sa inyo, ma-nurse na gid si Manang Rophy niyo.
